Տոմսին ուղեբեռ կարելի է ավելացնել նաև տոմսը գնելուց հետո։ Անհրաժեշտ է իմանալ ամրագրման ծածկագիրը կամ տոմսի համարը, ուղևորի ազգանունը կամ էլ. փոստի հասցեն, որով ձևակերպել եք ամրագրումը։
Արդեն գնված տոմսին ուղեբեռ ավելացնելու մի քանի եղանակ կա.
- Նախ փորձեք ուղեբեռ ավելացնել ավիափոխադրողի կայքում կամ զանգերի կենտրոնի միջոցով։ Եթե չստացվի ավելացնել ավիաընկերության միջոցով, դիմեք վաճառողին, որի անվանումը կգտնեք տոմսում։
- Վաճառողի կայքում ստուգեք՝ արդյոք կա՞ «Ավելացնել ուղեբեռ» ֆունկցիա։ Մուտք գործելու համար անհրաժեշտ է ամրագրման համարն անդորրագրից, ուղևորի ազգանունը կամ էլ. փոստի հասցեն, որով ձևակերպվել է պատվերը։
- Եթե չհաջողվի կայքի միջոցով ուղեբեռ ավելացնել, վաճառողին դիմեք էլ. փոստի, հետադարձ կապի կամ զանգահարելու միջոցով։ Հայտ ներկայացնելու համար անհրաժեշտ է մուտքագրել ամրագրման համարը, Ձեր ազգանունը և էլ. փոստի հասցեն, որով ձևակերպվել է տոմսը։
- Ուղեբեռի համար կարելի է վճարել նաև օդանավակայանում գրանցում անցնելիս, սակայն այդ դեպքում վճարը զգալիորեն բարձր է։
Ինչպես ուղեբեռ ավելացնել միայն մեկ ուղևորի համար
Մեկ ամրագրման մեջ պետք է լինեն միանման պարամետրեր բոլոր ուղևորների համար։ Սա նշանակում է, որ որոնման մեջ պետք է կա՛մ ընտրել ուղեբեռով տոմսեր, կա՛մ հակառակը՝ առանց ուղեբեռի։
Եթե ուղևորներից միայն մեկն ունի ուղեբեռի կարիք, ձևակերպեք երկու տարբեր ամրագրումներ. մեկը՝ առանց ուղեբեռի, իսկ մյուսը՝ ուղեբեռով։ Այդպես կարելի է անել միայն այն դեպքում, երբ երկու ուղևորն էլ մեծահասակ է՝ 12 տարեկանից բարձր։
Երկրորդ տարբերակն է՝ գնել տոմսեր միայն ձեռքի ուղեբեռով և մեկ ուղևորի համար ուղեբեռ ավելացնել գնումից հետո։
Ինչպես ստուգել ուղեբեռի չափսերը և առավելագույն քաշը, որը կարող եք Ձեզ հետ վերցնել
Ուղեբեռի փոխադրման նորմերը բոլոր ավիաընկերությունների համար տարբեր են։ Տոմսերի որոնման փուլում ցույց կտանք՝ քանի կիլոգրամ է ներառվում Ձեր տոմսում, եթե վաճառողն այդ տեղեկատվությունը փոխանցել է մեզ։
Եթե տոմսն ուղեբեռ չի ներառում, մենք ցույց կտանք, թե որքան հավելավճար է անհրաժեշտ վճարել ուղեբեռի համար։
Ոչ բոլոր վաճառողներն են մեզ տեղեկատվություն փոխանցում ուղեբեռի մասին։ Ուղեվարձում ներառված ուղեբեռի կոնկրետ չափերին և քաշին կարող եք ծանոթանալ վաճառողի կայքում տոմսը գնելիս։ Եթե վաճառողը մեզ փոխանցել է ուղեվարձի կոնկրետ քաշի մասին տեղեկատվություն, մենք անպայման այն կցուցադրենք։
Այն մասին, թե ինչ է կարելի և ինչ չի կարելի փոխադրել օդանավով, կարդացեք մեր հոդվածում՝ «Ինչ կարելի է վերցնել ուղեբեռում և ձեռքի ուղեբեռում»։