Տոմսի վերադարձի կամ փոխանակման հնարավորությունը կախված է ուղեվարձից և ավիաընկերության կանոններից։ Երբեմն հնարավոր է ամբողջությամբ հետ ստանալ տոմսի գումարը կամ առանց հավելավճարի փոխանակել տոմսը, իսկ երբեմն էլ անհրաժեշտ է միջնորդավճար վճարել գործակալությանը՝ վերադարձի կամ փոխանակման հարցում օգնելու համար։ Որոշ ուղեվարձերի կանոններ թույլ են տալիս հավելավճարով ձևակերպել տոմսի վերադարձ կամ փոխանակում, իսկ որոշ ուղեվարձերի դեպքում ընդհանրապես նման հնարավորություն չկա։
Եթե Ձեր չվերթը չեղարկել են, կապ հաստատեք վաճառողի հետ և ճշտեք վերադարձի պայմանները։ Տոմսի գումարը կվերադարձնեն Ձեզ կամ կառաջարկեն փոխանակել տոմսն առանց հավելավճարի, եթե տոմսը գնել եք ավիաընկերությունից, սակայն Ձեզնից ծառայության վճար կգանձեն, եթե տոմսը գնել եք գործակալությունից։
Եթե ուշացել եք թռիչքից
Եթե համոզված եք, որ չեք հասցնի թռիչքին, հնարավորինս շուտ զանգահարեք ավիաընկերությանը և տեղեկացրեք, որ չեք կարողանալու թռչել։ Սա հատկապես կարևոր է այն դեպքում, երբ ձեր երթուղին ներառում է փոխհատվող թռիչքներ և մեկ ընդհանուր ամրագրում։ Եթե չհայտնեք ավիաընկերությանը, առաջին թռիչքից ուշանալու դեպքում Դուք կհամարվեք չներկայացած, և ամբողջ երթուղին կչեղարկվի։
Եթե արդեն օդանավակայանում եք, մոտեցեք ավիաընկերության աշխատակիցներին և տեղեկացրեք, որ ուշացել եք։ Հարցրեք, թե ինչ հնարավոր տարբերակներ կան։ Որոշ ավիաընկերություններ կարող են առաջարկել թռչել հաջորդ չվերթով, եթե կան ազատ տեղեր։
Սովորաբար ավիաընկերությունները առանց հարգելի պատճառի ուշացումների դեպքում փոխանակում կամ վերադարձ չեն առաջարկում, սակայն ամեն ինչ կախված է կոնկրետ ավիաընկերությունից և Ձեր տոմսի ուղեվարձից։
Եթե չեք կարող թռչել հիվանդության պատճառով
Հիվանդությունը, որպես կանոն, հիմք չէ տոմսը փոխելու կամ վերադարձնելու համար։ Դա հնարավոր է միայն այն դեպքում, եթե նման տարբերակ նախատեսված է տոմսի ուղեվարձի կանոններով։ Տոմսի պայմաններին կարող եք ծանոթանալ Ձեր էլեկտրոնային տոմսում։
Լրացուցիչ հարցերի դեպքում դիմեք վաճառողին։
Մուտքագրեք ավիաընկերության կամ գործակալության անվանումը՝ կոնտակտային տվյալները տեսնելու համար
Եթե մեր օգնության կարիքն ունեք, գրեք մեզ։ Մեր կոնտակտային տվյալները կգտնեք ներքևում՝ «Կապվել մեզ հետ» բաժնում։ Նամակում կցեք Ձեր տոմսը և հայտ ուղարկեք։ Տոմսը պետք է ուղարկվել այն էլ. փոստի հասցեին, որը նշել եք ամրագրման ժամանակ, վճարումից հետո 3 ժամվա ընթացքում։