Ինչ կարելի է վերցնել ուղեբեռում և ձեռքի ուղեբեռում

Թռիչքից առաջ կարևոր է հասկանալ, թե որոնք են այն իրերը, որոնք հարմար են ձեռքի ուղեբեռի, և որոնք պետք է հանձնել որպես ուղեբեռ։

Տարբեր ավիաընկերություններ կարող են ունենալ տարբեր կանոններ, սակայն գործում են ընդհանուր սկզբունքներ։

Ձեռքի ուղեբեռը՝ այն է, ինչ դուք վերցնում եք Ձեզ հետ սրահ

Ձեռքի ուղեբեռը այն պայուսակն է, ուսապարկը կամ ճամպրուկը, որը տեղավորվում է նստատեղի տակ, կամ վերին դարակում։

-1 կտոր ձեռքի ուղեբեռ,

- 1 լրացուցիչ իր՝ օրինակ՝ նոութբուք, փոքրիկ պայուսակ, ուսապարկ կամ duty free-ից գնումներ։

Անակնկալներից խուսափելու համար խորհուրդ ենք տալիս փոխադրման պայմանները նախապես ստուգել ավիաընկերության կայքում։

Ձեռքի ուղեբեռի չափսերը և քաշը

- Չափանիշները կարող են տարբերվել՝ կախված ավիաընկերությունից։

- Սովորական չվերթներ՝ մինչև 55×40×20 սմ չափս և 5–12 կգ քաշ։

- Լոուքոսթերներ՝ մինչև 5–7 կգ քաշ, հաճախ չի թույլատրվում լրացուցիչ իրեր վերցնել՝ նույնիսկ փոքրիկ պայուսակ կամ նոութբուք։

Խորհուրդ՝ տանը կշռեք և ստուգեք Ձեր ձեռքի ուղեբեռի չափսերը։ Օդանավակայանում կարող են խնդրել այն տեղադրել չափիչ սարքի մեջ։

Ինչ կարելի է վերցնել

- Փաստաթղթեր, դրամապանակ, տոմսեր

- Հեռախոս, պլանշետ, նոութբուք, լիցքավորիչներ, առանց սուր հոտերի սնունդ

- Դեղորայք և բժշկական սարքավորումներ (ներարկիչներ և ներարկման ասեղներ կարելի է վերցնել միայն բժշկի թղթով)

- Մանկական սնունդ (ցանկալի է՝ գործարանային փաթեթավորմամբ)

- Հեղուկներ՝ միայն 100 մլ տարողությամբ փաթեթավորմամբ

Որոշ ավիաընկերություններ պահանջում են դրանք տեղադրել մինչև 1 լ տարողությամբ թափանցիկ զիփ-տոպրակների մեջ, ուստի խնդրում ենք նախապես ծանոթանալ ավիափոխադրողի պահանջներին։

Ինչ չի կարելի վերցնել ձեռքի ուղեբեռում

- 100 մլ-ից մեծ տարողությամբ շշերով հեղուկներ (այդ թվում՝ ջուր)

- Սուր իրեր՝ օրինակ՝ 6 սմ-ից երկար դանակներ, մկրատներ, մետաղական խարտոցներ

- Աէրոզոլներ, ներկեր, սպիտակեցնող նյութեր

- Գործիքներ, զենք կամ նմանատիպ իրեր

Արգելված իրերի հայտնաբերման դեպքում Ձեզ կխնդրեն ազատվել այդ իրերից կամ հանձնել դրանք որպես ուղեբեռ։

Ուղեբեռը համարվում է այն ամենը, ինչը հանձնվում է բեռնախցիկ։

Եթե Ձեր իրերը չեն տեղավորվում ձեռքի ուղեբեռում, դրանք հանձնեք որպես ուղեբեռ։

Ավիաընկերությունները սահմանում են քանակի, քաշի և չափսերի սահմանափակումներ, որոնք կախված են ուղեվարձից և երթուղուց։

Ինչպես իմանալ գործող նորմերը

Ստուգեք Ձեր երթուղու անդորրագիրը, որտեղ սովորաբար նշվում է՝

- արդյոք տոմսը ներառում է ուղեբեռի հնարավորություն (կարող է նշված լինել վերջին էջում),

- քանի պայուսակ կարելի է վերցնել,

- մեկ կտոր ուղեբեռի քաշը և չափսերը։

Եթե այս տեղեկատվությունը բացակայում է, այցելեք ավիաընկերության կայք և բացեք «Ուղեբեռ» բաժինը։ Երբեմն ավելի մատչելի է միանգամից գնել տոմսը ուղեբեռով, քան ավելի ուշ այն ավելացնել առանձին վճարով։

Կարևոր՝ ոչ բոլոր տոմսերն են ներառում ուղեբեռի հնարավորություն։ Օրինակ՝ նվազագույն ուղեվարձով տոմսերը սովորաբար չեն ներառում ուղեբեռ։

Ինչ կարելի է հանձնել որպես ուղեբեռ

Հագուստ, կոշիկներ, կոսմետիկա, հուշանվերներ, կենցաղային տեխնիկա և անձնական օգտագործման այլ իրեր, որոնք թռիչքի ընթացքում անհրաժեշտ չեն։

Ուղեբեռում չի կարելի դնել.

- Փաստաթղթեր, գումար, գաջեթներ, քանի որ դրանք կարող են վնասվել կամ գողացվել

- Փխրուն առարկաներ, քանի որ դրանք կարող են կոտրվել

- Մարտկոցներ և էներգաբանկեր

Թռիչքից առաջ անպայման ծանոթացեք Ձեր ավիաընկերության կանոններին, քանի որ որոշ փոխադրողներ չեն թույլատրում մարտկոցներ բարձրացնել օդանավ՝ նույնիսկ ձեռքի ուղեբեռում։